Rev. Dr. Maran Sing Gawng   (080-8703-2920)

 Saranum Dumhpya Hka Ra    (080-1328-8093)  

 

                         

   Kachin Christian Peace Church (KCPC)a (25) ning gumhpraw jubilee saw shaga dat ai."CHYEJU DUM AI HTE SHAKAWN KUNGDAWN LET ,LAW HTAM JET WA GA"(sSh.k-89:15,Esai-54:2-3,Kol-2:7)
Chyum Liaka sharin ya na sara kaba ni.......


1.Rev.Dr.Hkalam Samsung (KBC Amun madu)
2.Rev.Chyakyi Naw Tawng(KBC Ningbaw)
Nhtoi-2017 july 16-17
Shara -Sonic City Hall,1-7-5 Sakuraki-Cho,Omiya-ku Saitama-shi,Saitama-Ken ,Japan

SHALOM!!!

Tsawra hkungga ai nuwa hpung masha ji nban yawng ngwi pyaw hkam kaja nga myit ga law. Karai Kasang lam woi ai chyeju majaw anhte a Jiwoi ji wa ni Makam hta ngang ngang kang kang anhte hpe woi awn let makam hkringhtawng hpe ginlen ya lai wa masai hpe myit dum ra nga ga ai law. Jiwa ni a sadi dung, maju jung ai makam masha a majaw dai ni anhte Karai Kasan a shaman chyeju hpe n daw n hta hkam la lu nga ga ai. Makam a kawa Abraham gaw Karai Kasang a matsun ai ga hpe sadi dung ai makam hte hkan nang hkan sa lai wa sai;
" Abraham gaw sali wunli hkam la lu na ra ai mung de pru hkawm wa na lam shaga la ai hkrum yang, gade sa wa ai shi nchye ti mung, kam sham ai hte madat mara nna pru hkawm wa ai " ( Hebre 11:8 ).
Anhte a Jiwoi Jiwa ni a sadi dung ai Makam hkringhtawng hpe n gawn n sawn n galaw kau ai sha, anhte a hpang nga hpang pra kashu kasha ni hpe kasi ningli tai, matut ginlen ya lu na matu Kam Sham ai nuwa ni, anhte langai hkrai a lit nan rai nga ai ngu n'gun jaw dat nngai law.


Dumhpya Hka Ra

Tsawra hkungga ai,
nu wa hpung masha yawng hpang de, hpawt ni galaw na Ma ni a hkalup hkam lamang hte seng nna bai kahtap shana dat ai law. Hpawt ni lamu loi mung, marang loi htu na lam chye lu ai rai tim laja lana marang kaba nhtu ai majaw hkalup hkam lamang hpe ndau shana da sai hte maren hpawt ni galaw sa wa na hku re ai law. Kanu kawa ni hpe kahtap nna htet shana mayu ai hta, Jawng (Umbrella) n malap ai sha la sa wa na hte ma ni a matu lu sha mung hkyen lajang sa wa ga law. Matut nna, ma ni hpun palawng galai na matu mawga ginsum hpe gaw nawku hpung kaw nna dang di ai made lajang da na ga ai, tim nu wa ni a dum nta kaw lu da ai nga yang mung la sa wa na hpe lajin dat ai law. Japawt 7:00am tup kaw Bus pru na re majaw, Takadanobaba na Malihka lu sha seng shawng kaw, ma ni hte kanu kawa ni yawng 6:30 am tup hta du sa wa lu hkra shakut ya na hpe hkungga let saw lajin dat ai law.

****Hpungtau ni hte aten lu jaw ai Komiti myit su ni yawng mung n hprai ai sa du shang lawm shajang ga law.

Dumhpya Hka Ra

Chyeju wunli hte hpring ai shani rai nga ai law.

" Ywhowa gaw mai kaja nga ai: ru tsang ai aten hta e makawp maga shara, shi rai nga ai: shi hta
shing byi ai ai ni hpe shi matsing nga ai"(Nahum-1:7).

Shinggyimasha ni a matsing lu ai atsam gaw, shadawn shadang nga ai. Asak kaba mat wa jang
matsing lu ai atsam ni yawm mat wa sai.nkau mi gaw, ana ahkya lama ma a majaw,naw kaji nga ai
aten kaw na pyi, malap mali rai,matsing ai baw ning ra mat ai ni mung nga ai.
Rai timung,anhte a matu kabu hpa kaba gaw,Karai kasang anhte hpe galoi mung n malap ai,
matsing nga ai, ngu ai mungga re.grau nna gaw,ru tsang ai aten,jam jau hkrum ai aten hta,anhte a
makawp maga shara hte, shi hta shingbyi nga ai ni hpe Karai Kasang gaw matsing nga ai, ngu ai mungga ga sadi nan anhte a matu n-gun rai nga ai.
Dai majaw, an nau ni mung, Nang karai kasang hpe chye ai,matsing ai, ngu ai hta, karai kasang anhte hpe galoi mung nmalap ai,matsing nga ai, ngu ai makam gaw, anhte a matu ngang kang dik ai hte shim lum lam kaba nan rai nga ai law.
Yawng hpe karai wa shaman ya u ga .

Rev.Marip Awng Li

SHALOM!!!

Tsawra hkungga ai nu wa hpung masha ja nban yawng ngwi pyaw nga myit ga law. Aten shagu Karai Kasang a bau sin makawp maga ai chyeju npu hta nga pra lu nga ga ai hpe myit dum nga ga ai kun? Karai Kasang gaw anhte hpe mau hpa chyeju ni nhpaw n-ya jaw ya nga ai, anhte gaw Karai Kasang hpe hpa n htang jaw na ga ai kun? Mungga hta myihtoi Mihka tsun shadum da ai gaw;

“Masha wa e, mai kaja ai lam, shi nang hpe madun dan nit dai: ding hpring ai lam, tsawra matsan dum ai lam hte, na a Karai Kasang man e myit nem let hkan hkawm na lam hta kaga, Yehowa gaw nang hpe hpa hpyi a ta?” ( Mihka 6:8)

Mungga hta Karai Kasang anhte kaw na ra sharawng ai lam gaw hpa rai nga ai, ngu ai hpe myit dum let hkan nang hkan sa nna Karai Kasang a awng sharawng ai ni tai let sak hkrung hkawm sa ra nga ga ai law. Nuwa ni yawng a ntsa Karai Kasang a bau sin makawp maga ai chyeju gaw tut nawng e anga nga u ga ngu kyu hpyi dat nngai law.

 

Dumhpya Hka Ra

SHALOM !!!!

Tsawra hkungga ai nu wa hpung masha ji nban yawng ngwi pyaw nga myit ga law. Shinggyim masha shagu hpe Karai Kasang gaw nbung ai shaman chyeju jaw da ai zawn, nbung ai machye machyang hpe mung jaw da nga ai. Langai hte langai a machye machyang chyeju nbung nga ai hte maren, langai hte langai a chye chyang ai lam hpe hkungga la ra hkat ai lam gaw grai ahkyak nga mali ai. Kalang lang shinggyim masha gaw tinang a chye chyang ai lam hta gum rawng gum tawng ai myit rawng chye nga ai. Mungga hta tsun shadum da ai gaw;

“Gumrawng gumtawng yang, kaya kahpa pru; Myit shagrit ai ni, hpaji byeng-ya lu.” ( Ga Shagawp 11:2 )

Mungga hta tsun da ai hte maren, gumrawng gumtawng ai myit gaw anhte hpe n dum shami hkrat sum lam de du shangun nga ai rai nna, shagrit shanyem ai lam gaw machye machyang hpe grau jat shangun nga ai hpe myit dum n-gun la nna jawm shakut sa wa ga ngu n-gun jaw dat nngai law.

Dumhpya Hka Ra

Social